منتديات زووم

كان للابداع حدود ولكننا تخطيناها
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 حلاوة روح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمود المحلاوى
مدير عام
مدير عام
avatar

المساهمات : 146
تاريخ التسجيل : 01/11/2007

مُساهمةموضوع: حلاوة روح   الثلاثاء 18 ديسمبر 2007, 4:32 pm

فتحت الباب
ونفس الباب قفلته زمان
نزلت ودوخة الصبحية واخداني
عانيت الخطوة لبلادك
وجيت تاني
وقبل حدودك الذكرى كما سكين
تقطع كل شئ موصول
فضلت أقول
أكيد الوهم خادعني
سراب الحب عالأسفلت بيشاغل حكاية كنا فتناها
يجوز طول الطريق فكرني بحكايتي
ولما اوصل أكيد هانسى
وصلت لقيت على الحد اللي فاصلنا
دموعي فوق تراب النوح بتتألم
كأني باكيها دلوقتي
وتمنع م الدخول أحزان على آهات
ولوحة كبيرة في عرض الطريق
تحتيها باب مقفول
عليها كلام بيمنع م الدخول إنسان هجر روحه ورا الباب لما كان قادر
ما ينفعشي يعدي الواد بدون دمعُه وأحزانه
وذكرى تكرر المكتوب
وأقول الأه أهين منها
مانيش عارف أعيش مرتاح
وهي الراحة في عنيها براح مفتوح
وبسمتها نسيم الفجر
و تنهيدها ناده وهداه
ولساني في ذكرى كل شئ بينا
وكنت مفكر اني نسيت
أتاريني بموت م الشوق
ولا دريان
وكان الكبر راكبني
ولما الكبر راح مني على بابها
لقيت نفسي جريح باكي على اعتابها
والف وادور في شارع ونسوه الاحباب
وانا مدبوح
يا شارع لسه فاكرني
وفاكر بسمتين بالليل بيتوضوا بدمع الشوق
يا شارع لسه فاكر كل أمنية على أرضك بدرناها
يا شارع عيني مش قادرة
بشوف شباكها اتذكر سنين فاتت
مشاعر كنت فاكرها خلاص ماتت
ودمع جميل في وقت لقانا كان يشهد لنا بالعشق
ونفس الدمع لو نبعد يقول راجعين
ولكن لما رجعني لقيت الوقت مش وقتي وقال فايتين
وانا اللي فت جنتها
ورحت لنار ما يطفيها جمال الكون
أماني القلب في إديها
كما ركعة في آخر الليل
وماليها خشوع الروح
واهي راحت في بحر غريب
تمد الخطوة توصل بيها أبعد حد عن عيني
ولا غابت ولا لحظة عن القلب اللي عاش بعديها طيف خايف
يجوز برضه تكون نسيتنا والتاني خطف روحي
يجوز برضه تكون كرهتنا
أو خلصت حكايتنا على بابها
ومين يعلم
يجوز العشق في عنيها ما زال باقي دموع مجروح
وانا عالسكة متاخد
وتايه في صحاري الخوف وفين ما بروح
شريد ورجوعي مش مسموح
أتاري المشي لبلادها حلاوة روح



_________________



الحب لا يقتل العشاق . . هو فقط يجعلهم معلقين بين الحياة و الموت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حلاوة روح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات زووم :: فنون راقيه :: الشعر-
انتقل الى: